රත්තරං දෝණියේ

ඩී.වී. චතුරිකා මධුෂාණි දැන් 13 කළා පන්තියේ ඉගනුම ලබන්නීය.ශිෂ්‍යනායිකා ධූරයක්ද හොබවන්නීය.මෙය ඇය 10 වසර සිටියදී  ලියන ලද කවි පංතියකි.

මගේ කුසේ නූපන්නද දුවේ නුඹ

පිලිසිඳ වැඩුනි කලලය මා හදෙහි ගැබ

ඉපදුන විටම සුරතල් සුදු මූණ ඉඹ

සැනසෙමි පියකු ලෙස ඔබෙ ආදරය ලැබ

සුදු දූ කුමරි ඔබමය මගෙ සිහින ලොවේ

ඔබ මට විනා වෙන කෙනෙකුට අයිති නොවේ

තාත්තී කියා හිනැහෙන විටදි මුවේ

නැංවෙන මිහිර හදවත ගැඹුරටම දිවේ

ඉහලට ඉගෙන ගෙන වෙද විදුහලට ගියේ

සපුරා මගෙ පැතුම් පුරවා තිබුන ලයේ

වෙදදුරු වරිය ලෙස ලෙඩ සුවකරන දැයේ

මගෙ සුදු දුවට හැම දෙවි රැකවරණ තියේ

මා ලෙඩ ඇඳේ - දුව ඇත මගෙ ලඟම වැටී

මැවි මැවි පෙනේ මට උවටැන් කරන හැටී

වැඩිදුර යා නොහැක මගෙ ජීවිතය කෙටී

මගෙ සුදු දෝණී මුළු ලොවටම වඩා වටී